Rosy_Kheech_with_Gulab_Jamun_Shots

#Gulab_Jamun recipe
Ingredients.
1 cup milk powder
1 tsp baking powder
Pinch of soda
1 tbsp bread crumbs
1 tbsp chopped pista
1/2 cup milk

➡fry_karne_ke_liye
1 cup ghee

chasni ingredients.
2 cup sugar
1 cup pani
1/4 tsp ilayachi powder

Method
🔸Chasni-
🔸Ek pan me sugar or pani add kare or fast gas pr ek boil aane ke baad gas ko slow karke 5 minutes tak chasni hone de.
🔸5 minutes baad gas band karke ilayachi powder dale or side me rakh de.
🔸Gulab jamun-
🔸Ek bowl le or isme milk powder, bread crumbs, baking powder, soda sabko ek sath achhe se mix kare.
🔸Fir isme thoda thoda dudh dalkar iska mulayam aata gunth le.
🔸Iski chhoti chhoti goliya bana le.
🔸Kate huye pista ko gulab jamun ke beech me rakh ke firse gol goli bana le…Apne glass ke hisab se.
🔸Aap chhoti badi jis glass me serv karenge usike hisab se gulab jamun chhote bade aap bana sakte h.
🔸Ek pan me ghee garam kare.
🔸Gulab jamun ko ghee me sunhara hone tak tal le.
🔸Ghee se nikal kar inhe tayar ki huyi chasni me dalkar 1 ghanta chasni me rahne de.
🔸Fir chasni se nikal kar inko freeze me rakhe 1 ghanta.

#rosy_kheech recipe
Ingredients
1/4 cup lapsi rawa
1 tbsp sugar
1/4 cup milk
1/4 cup water
1 tsp ghee
1/4 tsp ilayachi powder
2 tbsp rose syrup
1 tsp custard powder
Chopped Pista garnish karne ke

Method
🔸Sabse pahle hum cooker me ghee dalkar garam kare.
🔸Fir isme lapsi rawa dalkar 1 min sek le.
🔸Halka sunhara hone par isme milk or water milakar boil hone de.
🔸Cooker ka dhakkan lagakar fast gas par ek siti le fir gas slow karke 3 siti le or gas band kar de.
🔸Cooker thanda hone par cooker khole or ise kisi pan me nikal le.
🔸1 tbsp milk me custard powder milakr
Pake huye kheech me mix karke 2 minute gas par pakaye.
🔸Fit sugar or ilayachi powder milakar 2 minute or pakale fir gas band karde.
🔸Puri tarh se ise thanda hone de.
🔸Jb thanda ho jaye tab isme rose syrup milaye (dhayan rahe puri tarah thanda hone ke baad hi milaye)

Serve karne ke liye
🔸Glass me serv krne ke liye sabse pahle 1 tbsp dudhiya kheech dale fir gulab jamun ko beech me se aadha kat kar glass me sajaye.
🔸Fir dudhiya kheech se puri glass ko bhar de or uper se gulab jamun or kate huye pista se garnish kare.
🔸Freeze me ise 1 se 2 ghante thanda karne ke baad serv kare